Flytja eignarhald aðgangsins
Fyrirtækjaaðgangur hefur einn eiganda. Til að afhenda aðganginn, til dæmis þegar þú hættir hjá fyrirtækinu, flytur þú eignarhaldið til annars meðlims.
Hverjir geta gert þetta: aðeins eigandinn.
Hefja flutninginn
- Opnaðu Teymi, smelltu á ··· við nýja eigandann og veldu Gera að eiganda.
- Lestu hvað gerist og smelltu á Staðfesta að þetta sért þú. Staðfestu svo með rafrænum skilríkjum.
Flutningurinn bíður nú samþykkis. Nýi eigandinn fær tölvupóst og hefur 7 daga til að samþykkja hann. Þangað til geturðu smellt á Hætta við flutninginn. Stjórnendur fá að vita af hverju skrefi.
Samþykkja flutninginn (nýi eigandinn)
- Opnaðu hlekkinn í tölvupóstinum, eða smelltu á Skoða og samþykkja í borðanum í gáttinni.
- Lestu Hvað breytist og smelltu á Samþykkja (eða Hafna).
Hvað breytist
- Nýi eigandinn fær allar heimildir, þar á meðal greiðslur og flutning eignarhalds.
- Fyrri eigandi verður stjórnandi og heldur aðgangi sínum.
- Enginn getur fjarlægt eigandann eða breytt hlutverki hans. Eignarhaldið færist aðeins aftur á sama hátt.