Undirbúa skrá fyrir herferð

Til að senda herferð hleðurðu upp skrá með viðtakendum: CSV-skrá eða Excel-vinnubók (.xlsx). Hver lína á eftir dálkaheitunum er ein sending. Hér er farið yfir dálkana.

Auðveldast að byrja svona: í drögum að herferð smellirðu á Sækja sniðmát (demo-template.xlsx). Þar eru allir dálkarnir, tvær dæmalínur og önnur síða sem útskýrir hvern dálk. Eyddu dæmalínunum og bættu við þínum viðtakendum.

Dálkarnir

Dálkarnir mega vera í hvaða röð sem er og heiti þeirra þurfa ekki að passa nákvæmlega: þú tengir þá við reitina þegar þú flytur skrána inn.

Dálkur Þarf Hvað hann tekur
Nafn Nei Nafn viðtakanda eins og þú gefur það upp. Það er innsiglað í sönnunargögnin eins og það er skrifað.
Netfang Netfang eða farsími Þangað fer tilkynningin í tölvupósti.
Farsími Netfang eða farsími Þangað fer tilkynningin í SMS. Sjö stafa íslenskt númer eða með landsnúmeri, til dæmis +354 611 2345.
Kennitala Nei Með Aukin vernd með kennitölu getur aðeins sá sem á kennitöluna opnað sendinguna. Tíu tölustafir, með eða án bandstriks.
Titill Nei Heiti sendingarinnar, sem viðtakandinn sér.
Skilaboð Nei Skilaboð til þessa viðtakanda. Tóm: skilaboð herferðarinnar gilda.
Tungumál Nei is eða en. Tómt: tungumál herferðarinnar gildir.
Skjal Ef skjölin eru í zip-skrá Skráarheiti skjalsins í zip-skránni, til dæmis jona.pdf. Fleiri skjöl aðskilin með ;
Eftirfylgniregla Nei Önnur eftirfylgni fyrir þessa sendingu: nafn eða auðkenni (rpol_…) reglu, eða Engin. Aðeins ef herferðin leyfir það. Tómt: eftirfylgni herferðarinnar.

Skjöl

Þegar þú flytur skrána inn velurðu hvaðan skjölin koma:

  • Sama skjal fyrir alla: eitt skjal sem allir viðtakendur fá, til dæmis almenn tilkynning.
  • Zip-skrá með skjölunum: ein zip-skrá með skjölum hvers viðtakanda. Dálkurinn Skjal nefnir skjal eða skjöl hverrar línu.

Góð ráð

  • Vistaðu CSV-skrár sem CSV (UTF-8) svo íslenskir stafir skili sér rétt.
  • Hafðu símanúmer og kennitölur sem texta (Text) í Excel, svo núll í upphafi og snið glatist ekki.
  • Skráin er lesin í vafranum þínum. Línurnar eru sendar til Parasend í hlutum, allt að 1.000 í hverjum, og hver lína er yfirfarin sérstaklega.
  • Notaðu netföng á example.com í prufukeyrslum: þau taka aldrei við pósti.

Næst: Senda herferð

Svaraði þetta spurningunni þinni? Takk fyrir ábendinguna Ekki tókst að senda ábendinguna. Reyndu aftur síðar.